有線放蛇

細個既時候睇電視「放蛇」呢個字通常會係一d掃黃賭毒既行動入面見到。今日打開報紙，明報話佢地既記者「放蛇」去寬頻公司，睇下佢地既營運方法。係四間既寬頻公司裏面只有有線同埋香港寬頻請左佢地。報導講到係training既時候個導師會教佢地講大話，試圖可以入屋推銷。方法大致上係話寬頻有問題要入屋check下。

除此之外報導指導師經常以錢掛帥，例如話「sell寬頻同學歷唔成正比」「閒閒地賺三萬蚊」之類。明報講到，sell寬頻既薪金大部份建基於佣金，即係簽單少，收入少。一個月底薪大約7000，如果係果個月裏面簽唔夠14張單就幾千幾千佣咁扣。

報導亦都話放蛇記者係做sell寬頻果十一日裏面，一張單都簽唔到，而且會有自己公司既人同自己人爭飯食。最後，除左經常比人問候之外，亦一蚊都收唔到。中學時代我記得中五個暑假有幾位朋友都去左做，朝九晚十一咁，做左個幾禮拜，都係一張都簽唔到。當然，薪金都係零。

有線呢一招非常厲害，唔使用錢之類，用人海政策係鬧市度纏繞人，完全達到左七仔「總有一間係左近」既目標。但如果你問我有咩情況我會去問果d 旺角既檔位既時候，我只會答「要cut有線果時loh。」

朝九晚十一，我寧願去炸雞炸薯條。