老麥對話

今朝係老麥時聽到鄰座兩母女對話，大約係個女開始個話題，問阿媽做咩唔生多個。節錄如下︰

女︰「生多個啦！而家我大個左你咪可以生多個loh。」（佢大約十歲）
媽︰「你知唔知呀？生左你之後我少左幾多時間。」
女︰「點解既？」
媽︰「剩係湊你已經用左我一半時間，如果仲生多個，真係唔使做野架啦。你姑媽生左兩個之後，咩時間都無晒用晒黎湊仔。阿auntie x 佢都係啦，生左之後就無做野啦。」
女︰「咁點解佢地會生既？」
媽︰「auntie x 本來話唔生，咪又無啦啦攪左個出黎。auntie y 又係，本來話唔生，四十幾歲先生左個。」
女︰「下？點解會生左既？」
媽（繼續自言自語）︰「auntie z 又係，無啦啦又生左個。」
女︰「點解既？」
媽︰「食埋d 蛋啦！趕時間呀！」

--
我諗起工程師M話，佢細個既時候追問過佢阿媽，精子點樣會自己遇到卵子。阿媽當然口啞。