新瓶舊酒

早陣子生意佬C係佢既blog度話，

　　　今次番香港....除左發現兩個怪現象, 仲有四熱:

　　　　1. 天氣熱
　　　　2. 炒股熱
　　　　3. 纖體熱
　　　　4. NDS熱

1. 天氣我諗已經無佢當初返香港既時候咁熱，起碼今日都密雲。
2. 炒股架話我咩都唔識，只係知道電視成日播住果五位數字已經升到二萬四，大陸好多人等緊落黎香港買股票，minimum只係需要三十萬。
3. 的確街上多左好多纖體廣告，除左衛小姐不斷係度轉團話自己瘦左15磅之外，就有「全港最具公信力」既減肥代表肥杏。而家唔淨止報紙用「公信力」黎評價，減肥藝人都可以叉隻腳。
4. 重點今次放係呢度。NDS。呢三隻英文字母我第一次聽到係舊年暑假，當時剛剛出左lite 無耐，同期既有psp。

NDS同psp賣既市場唔同，NDS唔求真，最緊要可愛，易上手，切合晒日本人鍾意「kawaii」既口味。psp 相反，打像真度高既市場，target唔係小朋友或者女孩子度，而係普遍被認為係機迷既男人身上。可惜，sony點都估唔到既係佢今次棋差一著。

搵女人錢，始終易d。

（NDS外型由舊版轉新版之後的確有好大既進步，長方型既機，一隻角都無，一開始推出既三種色白黑粉，滿足晒女孩子對於可愛既慾望。再加上機身順滑，拍埋部ipod度幾乎以為係同一間公司出品。）

點解咁講？假設地球上男女比例係一半一半，以前會買遊戲機既大部份係男仔，即係就算去到盡都只係佔市場上既50%。加埋少數會買機既女仔就最多最多只有五成幾。而家nds開拓左女性呢個市場，我隨便假定市場上有25%既女仔係會買機，即係四份一人（應該太高估，但重點唔係呢度），咁全球會買機既就係12.5%。雖然任天堂唔係打男仔市場，但就我發覺，好多時就算男仔想買sony機，最後都會轉去任天堂。

舉一個例，係我既朋友圈裏面，打開機都不外乎winning11，意即sony天下。但當nds出左之後，男性朋友們都因為要討女朋友歡心所以係選擇nds同psp既時候揀左nds。

任天堂係呢個情況下意外（或者係意內）地增加左好多吸引力。所以今時今日搭地鐵，隨便都可以見到三四部nds。psp，一個地鐵車卡最多有一部。