「放鬆少少，唔使咁緊張」

「放鬆少少，唔使咁緊張」，好多時候我都會同人講呢句，尤其係當人扯高條頸死要嗌個高音出黎既時候。其實只要你放鬆少少，你想唱既音就自己出到黎，唔使咁勉強以為自己係林子祥陳奕迅。

我唔係一個唱歌老師，唱歌都唔可以算係叻，起碼比起我係學校見到既同學我應該算係無乜天份。有時同朋友或者朋友搭朋友去唱k既時候，d朋友都會因為我係大學既時候主修聲樂就走黎問我點樣先可以唱得好d。

通常我都係得呢類答案，

一）你唔係歌手，震爆咪既野唔係你做既，只要o岩音o岩拍子其實已經好好聽；
二）呢個世界有幾多個李克勤張學友呀，唱k o者唔使咁執著既；
三）唱歌都係因為鍾意o者，嗌到喉嚨痛又講唔到野做乜謂。

其實做人都一樣，我地唔係耶穌，點都唔可能做到十全十美，只要盡左努力就得啦。