幾年前網路流傳住一個forward email，裏面有幾張相，影住一個聲稱係北京一間餐館裏面影既餐牌，其中最深印象既係「干炒牛河 fxxk the beef river」。今日打開報紙，北京旅遊局終於都將2700種唔同既中國菜名比晒英文佢地，令到以後既中國菜菜牌唔會再出現上述笑話，貽笑大方。報紙仲舉左個例，以前童子雞叫做 "Chicken without sexual life"，再譯返做中文就叫做「沒有性生活的雞」，兜個圈，即係話佢仲係童子。譯得唔直接，但勝在有趣、而且切題。新既譯法叫 "Spring Chicken"，「春雞」，名係好聽左，但唔見得令一個外國人知佢食咩落肚。
有好多人鍾意去高級餐廳度食飯，意大利餐呀瑞士餐呀非洲餐咁，其中就以法國餐為甚。早年既無線劇好鍾意搵一d 扮演市井之民既角式去入一d 只係有英文menu 既餐廳，等佢地扮識叫叫到全台都係湯，借d意諷刺佢地無文化。時而勢易，當社會上過半既人都識英文之後，呢個笑話就由英文轉左做法文。我對法文一竅不通，除左以前唱過幾首死記爛背既法文歌之外，我就只識「扮豬」呢句開場白。幾個月前睇台劇《轉角遇到愛》小豬就係咁既情況之下將menu裏面所有湯叫晒出黎。其實點解法國餐，或者統稱外文餐，比人一種好高貴既形象，除左因為佢地本身包裝好之外，係因為坐係裏面會比到人一種無名既虛榮感。「我睇得明餐牌，你明唔明？」
今日北京將2700種中國菜譯晒做英文之後，當然唔會再出現 "fxxk the beef river" 之類既笑話，但當外國人開始睇得明中國菜其實係咩黎之後，"chicken without sexual life" 就會失去左佢本身既高貴之處。搖身一變，只係一隻普通既雞。
不過其實都唔緊要，因為外國人都只係食宮保雞丁同炒飯。如果唔係熊貓快餐都唔會其門如市。
2007年8月31日 星期五
2007年8月30日 星期四
人靠衣裝？
今年既會考好有趣，所有既十優狀員都比果兩位十四同埋九歲既小朋友搶晒風頭。呢兩位小朋友有個共通點，就係以比平常人細既年齡去考到一d 高班少少既考試，而且獲得滿意既分數。中大同浸大無放棄呢個可以宣傳既機會，係其他大學無乜插手既情況之下收左呢兩個學生，成為好熱門既話題。
呢個情況就其實好似六年前政府armarm推出拔尖計劃咁，當時只要讀到五支A就可以參加拔尖計劃，早人地一年入大學，「享受」大學既生活比人多一年。當年仲未夠中五既我就當然為著唔使考AL呢個目標進發，因為知道只要考夠分，就可以玩足一個中六，然之後升大學。一個字講晒，「爽」。身邊既朋友平時唔多讀書既一個二個走晒去煲書，知恥近乎勇，大家都考得唔錯。當然，拔尖就無我份，唔係都唔會步另一批既同學後塵飛左去美國。
今年呢兩位小朋友正好就話比後面既人聽，教育制度可以不理，只要你去考，考得掂就係神仙。我諗接下來應該會有更多既家長希望自己個仔/女可以好似呢兩位大學生咁，未夠十五歲已經大學畢業。
--
不過家長迫細路仔讀書都還好，今日我搭地鐵，中環站上車，係金鐘站有幾個人衝左入黎，帶頭既係一位師奶，佢一手就扯住佢個女隻手，推左佢埋一個位度，然之後將自己果兩塊股分別放係兩個位度。再之後佢大嗌︰「wei 快低過離挫拉！」無耐之後有兩位男仕他他調咁行過黎，小朋友好乖咁話「媽媽我比你坐。」果三個成年人之後就好高談闊論咁講話佢地買左既手信有幾好有幾靚。當然，係用普通話。睇真d，媽媽用既係英國格仔牌，其中一個男人用既係啡底兩隻英文字母牌。
小妹妹係好乖咁比左媽媽坐，但後來佢走左去一條扶手度，踎低左，係度轉，同埋大聲叫喊一d我唔係好聽得明既野。當時呢個小妹妹係著住連身裙同粉紅色涼鞋。我望下周圍，見到無遠既一條扶手度，又有另一個小妹妹，同樣係連身裙粉紅色涼鞋，唔同既係呢個小妹妹好乖咁企係度，只係間中偷偷咁望個小妹妹。
中國人有句俗語，「人靠衣裝」，今日見到呢幾位身光頸靚既人之後，我反而覺得著咩上身唔係問題，只要有教養就得啦。
呢個情況就其實好似六年前政府armarm推出拔尖計劃咁，當時只要讀到五支A就可以參加拔尖計劃，早人地一年入大學，「享受」大學既生活比人多一年。當年仲未夠中五既我就當然為著唔使考AL呢個目標進發，因為知道只要考夠分，就可以玩足一個中六，然之後升大學。一個字講晒，「爽」。身邊既朋友平時唔多讀書既一個二個走晒去煲書，知恥近乎勇，大家都考得唔錯。當然，拔尖就無我份，唔係都唔會步另一批既同學後塵飛左去美國。
今年呢兩位小朋友正好就話比後面既人聽，教育制度可以不理，只要你去考，考得掂就係神仙。我諗接下來應該會有更多既家長希望自己個仔/女可以好似呢兩位大學生咁，未夠十五歲已經大學畢業。
--
不過家長迫細路仔讀書都還好，今日我搭地鐵，中環站上車，係金鐘站有幾個人衝左入黎，帶頭既係一位師奶，佢一手就扯住佢個女隻手，推左佢埋一個位度，然之後將自己果兩塊股分別放係兩個位度。再之後佢大嗌︰「wei 快低過離挫拉！」無耐之後有兩位男仕他他調咁行過黎，小朋友好乖咁話「媽媽我比你坐。」果三個成年人之後就好高談闊論咁講話佢地買左既手信有幾好有幾靚。當然，係用普通話。睇真d，媽媽用既係英國格仔牌，其中一個男人用既係啡底兩隻英文字母牌。
小妹妹係好乖咁比左媽媽坐，但後來佢走左去一條扶手度，踎低左，係度轉，同埋大聲叫喊一d我唔係好聽得明既野。當時呢個小妹妹係著住連身裙同粉紅色涼鞋。我望下周圍，見到無遠既一條扶手度，又有另一個小妹妹，同樣係連身裙粉紅色涼鞋，唔同既係呢個小妹妹好乖咁企係度，只係間中偷偷咁望個小妹妹。
中國人有句俗語，「人靠衣裝」，今日見到呢幾位身光頸靚既人之後，我反而覺得著咩上身唔係問題，只要有教養就得啦。
2007年8月29日 星期三
2007年8月28日 星期二
童稚無知
中學既時候好鍾意咩都掂下，電腦又掂、設計又掂、音樂又掂、體育又掂，好似覺得掂少樣自己都好弱咁。但諗深一層，以前所謂既周圍掂不外乎...
一）插隻windows 碟入去架我無password既機度鏟左佢裝過；
二）上一d 用javascript寫左「密碼」既網頁度睇佢個source搵返個密碼出黎扮破解；
三）將人地既設計照板主管咁抄過黎轉下顏色扮原創；
四）行街扮藝術家周圍留意人地既logo design；
五）明明鍾意聽流行曲又走去同人講paganini好好聽，蕭邦太過晒浪漫唔鍾意；
六）當年李雲迪因為係電視度彈琴出晒名，所以見到鋼琴就彈fantasia impromptu 第一句扮勁；
七）日日話練paganini但句句走音；
八）日日落足球場練中場罰球扮beckham；
九）一個月跑一次步 = 練跑。
諗返都真係好好笑。
的確，童稚無知。
一）插隻windows 碟入去架我無password既機度鏟左佢裝過；
二）上一d 用javascript寫左「密碼」既網頁度睇佢個source搵返個密碼出黎扮破解；
三）將人地既設計照板主管咁抄過黎轉下顏色扮原創；
四）行街扮藝術家周圍留意人地既logo design；
五）明明鍾意聽流行曲又走去同人講paganini好好聽，蕭邦太過晒浪漫唔鍾意；
六）當年李雲迪因為係電視度彈琴出晒名，所以見到鋼琴就彈fantasia impromptu 第一句扮勁；
七）日日話練paganini但句句走音；
八）日日落足球場練中場罰球扮beckham；
九）一個月跑一次步 = 練跑。
諗返都真係好好笑。
的確，童稚無知。
2007年8月27日 星期一
唱k
結果，寫完唱k果篇blog之後果日，同中學同學飯局結果都係end up去左新路城唱k。我諗我真係好落後，以前中學時代既新路城ps2只係放係大門口果度，擺兩三部出黎招徠d 學生哥黎玩。今時今日已經有主題房。三支咪兩個手制，四個人根本就玩唔晒。再加上又出又入既buffet 晚餐，迫到返房都已經花左半個鐘。新路城呢招真絕，咁多野玩真係玩多幾個鐘都未夠。
前幾日話唱k最緊要舒服，結果臨到自己果時一樣係照叫照嘈。無法，鬼叫平時無得叫。我終於明白k房除左係用黎比較或者show野既地方之外，仲係用黎發洩一d平時自己唔知既壓力。點樣證明？我一入房，攪呢攪路一輪之後就點左張敬軒《blessing》。唱到四份三先發覺中伏……
「今天享有的幸福，全能我快樂全令我無haaaaa~~~」個憂字，莫講話唱得好，連個音都掂唔到。返屋企心有不甘，睇下張先生點樣可以live 唱到無走音。youtube search下首歌，發覺佢唱個憂字事前準備好充足。首先係個台度行一個圈，後來走去個mic stand隔離，唱到「全令我」既時候左手就已經捉實，「haaaaaaa~」，雖然一d都聽唔到個憂字，而且肉緊非常。但勝在夠高音、夠壓場，而且無人唱到，之後過左岸就神仙，後面無咩難度，佢個樣都即時輕鬆晒。等我都練下所謂既海豚音先。
實力派歌手，果然唔同d。
前幾日話唱k最緊要舒服，結果臨到自己果時一樣係照叫照嘈。無法，鬼叫平時無得叫。我終於明白k房除左係用黎比較或者show野既地方之外，仲係用黎發洩一d平時自己唔知既壓力。點樣證明？我一入房，攪呢攪路一輪之後就點左張敬軒《blessing》。唱到四份三先發覺中伏……
「今天享有的幸福，全能我快樂全令我無haaaaa~~~」個憂字，莫講話唱得好，連個音都掂唔到。返屋企心有不甘，睇下張先生點樣可以live 唱到無走音。youtube search下首歌，發覺佢唱個憂字事前準備好充足。首先係個台度行一個圈，後來走去個mic stand隔離，唱到「全令我」既時候左手就已經捉實，「haaaaaaa~」，雖然一d都聽唔到個憂字，而且肉緊非常。但勝在夠高音、夠壓場，而且無人唱到，之後過左岸就神仙，後面無咩難度，佢個樣都即時輕鬆晒。等我都練下所謂既海豚音先。
實力派歌手，果然唔同d。
2007年8月25日 星期六
《交響情人夢》
無記星期日晚十點半播既《交響情人夢》講述幾個音樂系學生既故事，男主人翁千秋（大人）係一個公認既靚仔音樂天才，小提琴鋼琴樣樣得，而且係學校裏面亦都 十分受歡迎，再加上佢細個既時候已經被一位名指揮家話過要收佢做徒弟既關係，所以一直都非常自負。但由於因為曾經遇過空難既關係一直都唔敢再搭飛機，所以 鬱鬱不得志要留係日本無得出國。
另一個女主角野田妹（nodame）就係一個污遭到極既女仔，但天生異品，只係靠聽就可以彈返晒成首野出黎。可惜因為細個既時候跟著個壞老師，係咁迫佢練琴既關係所以佢對彈琴失去興趣。但由於佢非常有天份，所以只需要隨便練下就可以見得下人。
故事中野田妹非常喜歡千秋，但千秋就對野田妹一d興趣都無（開始既時候）。故事維繞住呢兩個人係學校發生既事情，同埋後來千秋由鋼琴系既學生變左佢地A樂團既指揮既事。電視版就做到呢度，漫畫版後來千秋就有機會出國，又參加比賽做註團指揮之類云云。
作為音樂系既我當然十分有興趣，而呢套劇係日本亦都非常賣得，隨既而來既配套都接踵咁黎。但我想講既其實係跟師傅既問題。由於聽日要見新師傅既關係呢幾日要印返今年內寫既最新幾首野出黎，同埋要執返d 錄音出黎燒隻CD聽日拎去，希望師傅有時間聽。
千秋係故事中有機會跟世界出兩大指揮家學野，而呢兩位師傅都不斷比機會千秋。其實跟著位好老師進步真係快好多。諗返自己既情況，去美國讀左三年幾書之後，自己不嬲覺得都還過得去既小提琴就已經生疏晒，因為覺得自己細個既時候學錯姿勢已經無得進步。反而轉修既作曲就因為跟著位好老師，一直都唔嫌我煩係咁比意見，所以進步比較明顯（雖然放左既三個月假咩都無做過）。今次返黎香港，真係希望可以學到好多野。
當我行落街見到林林種種既琴行既時候我就會諗，究竟有幾多個教緊琴既真係有料到，可以教到個學生第時可以用黎搵食？定一或係好似我以前中六咁，為左搵錢就走去教琴呢？
名師收得貴，唔係無佢既道理。
另一個女主角野田妹（nodame）就係一個污遭到極既女仔，但天生異品，只係靠聽就可以彈返晒成首野出黎。可惜因為細個既時候跟著個壞老師，係咁迫佢練琴既關係所以佢對彈琴失去興趣。但由於佢非常有天份，所以只需要隨便練下就可以見得下人。
故事中野田妹非常喜歡千秋，但千秋就對野田妹一d興趣都無（開始既時候）。故事維繞住呢兩個人係學校發生既事情，同埋後來千秋由鋼琴系既學生變左佢地A樂團既指揮既事。電視版就做到呢度，漫畫版後來千秋就有機會出國，又參加比賽做註團指揮之類云云。
作為音樂系既我當然十分有興趣，而呢套劇係日本亦都非常賣得，隨既而來既配套都接踵咁黎。但我想講既其實係跟師傅既問題。由於聽日要見新師傅既關係呢幾日要印返今年內寫既最新幾首野出黎，同埋要執返d 錄音出黎燒隻CD聽日拎去，希望師傅有時間聽。
千秋係故事中有機會跟世界出兩大指揮家學野，而呢兩位師傅都不斷比機會千秋。其實跟著位好老師進步真係快好多。諗返自己既情況，去美國讀左三年幾書之後，自己不嬲覺得都還過得去既小提琴就已經生疏晒，因為覺得自己細個既時候學錯姿勢已經無得進步。反而轉修既作曲就因為跟著位好老師，一直都唔嫌我煩係咁比意見，所以進步比較明顯（雖然放左既三個月假咩都無做過）。今次返黎香港，真係希望可以學到好多野。
當我行落街見到林林種種既琴行既時候我就會諗，究竟有幾多個教緊琴既真係有料到，可以教到個學生第時可以用黎搵食？定一或係好似我以前中六咁，為左搵錢就走去教琴呢？
名師收得貴，唔係無佢既道理。
2007年8月24日 星期五
搵工
早排有機會同個中學既師弟講揀科既野，我同佢講如果我可以再揀過，我一定唔會揀音樂，亦都只會係電腦同埋business 兩科任擇其一。我舉左一個例︰
係美國既四年大學制裏面好多時學生係第一年升第二年既暑假（即係所謂既freshman 升sophomore）既時候就已經會搵intern。以一個只讀左freshman既大學生黎講通常搵到工既機會好低，其中一個原因係因為佢地未揀定主修科目，所以就算係請都只會係一d 低工資既工作（當然由於美國有最低工資，比起香港低極有限）。
到第三年升第四年既時候（junior升senior），朋輩間既話題就只有一個——「諗住下年點？」呢個時候，通常最先話已經搵到工畢業後即有人請既一定係business既同學們。原因除左因為學校名氣大之外，就係因為d 公司睇中佢地名校畢業，覺得資質一定極好，所以高人工高福利請佢地去做。第二種人可以搵到工既就係讀電腦既。幾年前科網爆破既時候一個二個都話唔好讀電腦，話咩無前途無出路。結果幾年後馬照跑舞照跳，電腦系既同學不愁無出路。再加上兩大電腦公司M記同G記爭人，除左出錢出力請佢地去見工之餘，公司既福利更好到不得了。其中以G記為甚。一個二個電腦系既朋友都想入G記辦事，貪佢公司內部照顧周到，連飯堂都搵大酒店廚師黎煮。
係另一方面，我自己身處既音樂系就無咁活躍，甚至可以話係零活躍。從咁多位朋友口中得知佢地下年要做既野不外乎兩樣︰一）自修一年之後報碩士；二）教書。其中就只有一位比環球唱片請左做marketing。其餘既大都前途未卜。
果日同個小師弟講，「興趣還興趣，現實還現實，我揀左呢條路無得返轉頭，如果你真係鍾意，最起碼都double major 啦。」
係美國既四年大學制裏面好多時學生係第一年升第二年既暑假（即係所謂既freshman 升sophomore）既時候就已經會搵intern。以一個只讀左freshman既大學生黎講通常搵到工既機會好低，其中一個原因係因為佢地未揀定主修科目，所以就算係請都只會係一d 低工資既工作（當然由於美國有最低工資，比起香港低極有限）。
到第三年升第四年既時候（junior升senior），朋輩間既話題就只有一個——「諗住下年點？」呢個時候，通常最先話已經搵到工畢業後即有人請既一定係business既同學們。原因除左因為學校名氣大之外，就係因為d 公司睇中佢地名校畢業，覺得資質一定極好，所以高人工高福利請佢地去做。第二種人可以搵到工既就係讀電腦既。幾年前科網爆破既時候一個二個都話唔好讀電腦，話咩無前途無出路。結果幾年後馬照跑舞照跳，電腦系既同學不愁無出路。再加上兩大電腦公司M記同G記爭人，除左出錢出力請佢地去見工之餘，公司既福利更好到不得了。其中以G記為甚。一個二個電腦系既朋友都想入G記辦事，貪佢公司內部照顧周到，連飯堂都搵大酒店廚師黎煮。
係另一方面，我自己身處既音樂系就無咁活躍，甚至可以話係零活躍。從咁多位朋友口中得知佢地下年要做既野不外乎兩樣︰一）自修一年之後報碩士；二）教書。其中就只有一位比環球唱片請左做marketing。其餘既大都前途未卜。
果日同個小師弟講，「興趣還興趣，現實還現實，我揀左呢條路無得返轉頭，如果你真係鍾意，最起碼都double major 啦。」
2007年8月23日 星期四
「放鬆少少，唔使咁緊張」
「放鬆少少，唔使咁緊張」，好多時候我都會同人講呢句，尤其係當人扯高條頸死要嗌個高音出黎既時候。其實只要你放鬆少少，你想唱既音就自己出到黎，唔使咁勉強以為自己係林子祥陳奕迅。
我唔係一個唱歌老師，唱歌都唔可以算係叻，起碼比起我係學校見到既同學我應該算係無乜天份。有時同朋友或者朋友搭朋友去唱k既時候，d朋友都會因為我係大學既時候主修聲樂就走黎問我點樣先可以唱得好d。
通常我都係得呢類答案，
一）你唔係歌手，震爆咪既野唔係你做既，只要o岩音o岩拍子其實已經好好聽；
二）呢個世界有幾多個李克勤張學友呀，唱k o者唔使咁執著既；
三）唱歌都係因為鍾意o者，嗌到喉嚨痛又講唔到野做乜謂。
其實做人都一樣，我地唔係耶穌，點都唔可能做到十全十美，只要盡左努力就得啦。
我唔係一個唱歌老師，唱歌都唔可以算係叻，起碼比起我係學校見到既同學我應該算係無乜天份。有時同朋友或者朋友搭朋友去唱k既時候，d朋友都會因為我係大學既時候主修聲樂就走黎問我點樣先可以唱得好d。
通常我都係得呢類答案，
一）你唔係歌手，震爆咪既野唔係你做既，只要o岩音o岩拍子其實已經好好聽；
二）呢個世界有幾多個李克勤張學友呀，唱k o者唔使咁執著既；
三）唱歌都係因為鍾意o者，嗌到喉嚨痛又講唔到野做乜謂。
其實做人都一樣，我地唔係耶穌，點都唔可能做到十全十美，只要盡左努力就得啦。
訂閱：
文章 (Atom)
