巴士竊聽

剛才從學校回家時在巴士上聽到兩名名牌中學初中生在高談闊論，免去他們把粗言「直譯」成英語然後大笑大叫外，還聽到以下一段對話︰

學生甲︰「你有無聽過photo...photosynthesis song?」
學生乙︰「下？」
學生甲︰「photosynthesis song 呀！你去yahoo...呀唔係...youtube聽下！超低能！勁攪笑！」
學生乙︰「好呀．．．」
學生甲︰「咁有無睇mr. bean？超低能！勁攪笑呀！」
學生乙︰「無wor...」
（省卻學生甲形容一段大概十年前的情節）
學生甲︰「癡線架mr. bean！超低能．．．（停頓三數秒）．．．勁攪笑（低沉）．．．」

原來，真的有人以「超低能！勁攪笑！」做口頭禪。

既然學生甲大力推薦，現送上photosynthesis song。

（又唔係咁低能攪笑ｊｅ。）